KAZENERGY жаңалықтары

Адами капиталды дамыту жөніндегі үйлестіру кеңесінің баспасөз хабарламасы

PDF Баспаға жіберу E-mail
24.05.2017 18:41

Адами капиталды дамыту жөніндегі үйлестіру кеңесінің баспасөз хабарламасы

2017 жылғы 23-мамырда «KAZENERGY»  қауымдастығының алаңында «ҚазМұнайГаз» ҰК» АҚ Адами ресурстарды басқару жөніндегі Вице-президенті С.С. Әбденовтың  төрағалық етуімен  Адами капиталды дамыту жөніндегі үйлестіру кеңесінің (бұдан әрі – Үйлестіру кеңесі) мәжілісі өтті.

Мәжіліске Үйлестіру кеңесінің мүшелеріне қоса Қазақстан Республикасы Энергетика министрлігі, Еңбек және халықты әлеуметтік қорғау министрлігі және «Атамекен» Қазақстан Республикасы Ұлттық кәсіпкерлер палатасының өкілдері де қатысты. 

Мәжілістің күн тәртібі бойынша «KAZENERGY» қауымдастығының  2016 жылы адами капиталды дамыту бағытында атқарған жұмыстары  туралы есеп тыңдалды.  Оған қоса Адами капиталды дамыту жөніндегі үйлестіру кеңесінің 2017 жылға арналған негізгі бағыттары белгіленіп, бекітілді.

Үйлестіру кеңесіне қатысушылар еңбекті нормалау, мұнай-газ және энергетика саласындағы еңбек бойынша нормалар мен нормативтерді ұйымды-техникалық қамтамасыз етудің біртұтас базасын қалыптастыру бөлігіндегі мәселелерді талқылады.  

Еңбек және халықты әлеуметтік қорғау министрлігінің өкілдері еңбекпен қамту және жаппай кәсіпкерлік бағдарламасы туралы ақпаратты жариялады.   

Ұлттық кәсіпкерлер палатасының өкілдері Үйлестіру кеңесінің мәжілісіне қатысушыларды Қазақстан Республикасындағы кәсіпкерлікті дамыту бағдарламасы туралы хабардар етті.   

Оған қоса  Үйлестіру кеңесінің мәжілісі барысында 2015-2016 жж арналған Мұнай-газ саласының корпоративтік әлеуметтік жауаптылығы жобасы туралы ақпарат жарияланды және талқыланды.

Үйлестіру кеңесінің қатысушылары ЭКСПО 2017 «Болашақ энергиясы» халықаралық мамандандырылған көрмесі шеңберінде қауымдастық өткізетін  шаралар:  XI Еуразиялық  Форум, Әйелдер энергетикалық клубының мәжілісі, Жастар форумы  туралы ақпаратты тыңдады.

Үйлестіру кеңесінің  мәжілісі «ҚР кәсіподақтар федерациясы дауларды зерттеу және шешу орталығының» өкілдері таныстырған  «Еңбек даулары және еңбек дауларын шешу» тақырыбындағы кіріспе лекциямен аяқталды.  

IMG_7633

 

Kazenergy қауымдастығының ғылыми-техникалық кеңесі энергия тиімділігі мен энергия үнемдеудің инновациялық шешімдерін талқылады

PDF Баспаға жіберу E-mail
13.04.2017 16:06

Kazenergy қауымдастығының ғылыми-техникалық кеңесі энергия тиімділігі мен энергия үнемдеудің инновациялық шешімдерін талқылады

Биылғы жылдың 11-сәуірінде KAZENERGY  қауымдастығы Ғылыми-техникалық кеңесінің мәжілісінде энергия тиімділігі мен энергия үнемдейдің инновациялық шешімдері талқыланды, оған Чехия Республикасынан шақырылған сарапшылар,   ҚР ЭМ, ҚР ИДМ, «Самұрық-Энерго» АҚ,  «КИНГ» АҚ, "Қазақстан Энергия аудиторлары қауымдастығы» ЗТБ, «Эргономика» ЖШС, НКОК және  KAZENERGY  қауымдастығының мүшелері – Қазақстан Республикасының мұнай-газ және энергетикалық ұйымдарының  басшылары мен мамандары қатысты.

KAZENERGY қауымдастығы Төрағасының Кеңесшісі, ҒТК Төрағасының орынбасары Сатимов Арман Нұрланұлы мен  «Самұрық-Энерго» АҚ Өндіріс пен активтерді басқару жөніндегі басқарушы директоры  Түйтебаев Серік Сүйенбекұлы  құттықтау сөз сөйлеп мәжілісті ашты да, энергия тиімділігі мен энергия үнемдеудің барлық өзекті мәселелерін талқылау қажеттігіне көпшіліктің назарын аударта отырып баяндамашыларды таныстырып өтті.   

Қазақстанның қазіргі экономикасында мынадай екі фактор бар: біріншіден, нақты сектордағы технологиялар тозған және көп салада біршама ескірген жабдықтар пайдаланылып отыр, екіншіден, Қазақстан экономикасын тарихи себептерге байланысты энергия жұмсайтын  салалар құрап отыр. Осы факторларды ескерсек қазақстандық тауарлардың  және жалпы экономиканың бәсекеге қабілеттілігін арттыру үшін энергия тиімділігін жоғарылатудың маңызы арта береді. 

Энергия тиімділігі мен энергия үнемдеу саласындағы мемлекеттік саясатты іске асыру туралы ҚР ИДМ өкілі Әлібеков Олжас Әділұлы баяндама жасады. Баяндамашы энергетикалық секторды, оның ішінде жаңармалы энергия көздерін (ЖЭК)  инвестициялайтын әлемдік тенденциялар туралы әңгімелеп берді. ЖЭК электр энергиясын өндіру 2015 жылы бұрынғы жылдармен салыстырғанда 33% өсті. Мұнай-газ саласының инвестициялары бұрынғысынша бірінші орында.

"Қазақстан Энергия аудиторлары қауымдастығы» ЗТБ Президенті Тоқбаев Дәурен Ғалымұлы  қатысушыларға  энергия тиімділігінің күрделі мәселелері туралы  және «Өзін-өзі реттеу туралы» ҚР заңына, нормативтік-құқытық актілерге және Аудит өткізу қағидасына  ұсынылатын өзгерістер туралы әңгімелеп берді. Осылайша  энергия аудиті жүргізілетін жалпы мерзімді қысқарту  және өзін-өзі реттейтін институттар енгізуді  ұсына отырып баяндамашы осы институттың  моделімен таныстырды.    

«CZET – Чехия энергия үнемдеуші технологиялары»  Консорциумы Басқармасының Төрағасы, ЭКСПО-ның Чехиядағы комиссары және «Жыл адамы» атағының иегері   Зденек Збытектің сөйлеген сөзі ҒТК мәжілісінің ең маңызды сәті болды. Збытек мырза  Чехия энергетикасының қазіргі жай-күйі және Қазақстан Республикасының  энергетикалық инфрақұрылымын жаңартуға және дамытуға арналған жаңа технологиялар туралы әңгімелеп берді.  Ол Қазақстан мен Чехияның әрекеттестігі ЧР Президенті Милош Земанның 2014 жылы Астанаға келуінен бастау алғанын атап өтті, ол делегацияның құрамында Збытек мырзаның өзі де болған. Чехия Республикасы ҚР  Энергетика министрлігімен  және  KGNT  компаниясымен әрекеттесе отырып ЭКСПО-2017  көрмесіне белсенді атсалысатынын және  энергетикаға арналған мамандандырылған тақырыптық чех күндерін өткізетінін атап өткен жөн.

ŠKODA PRAHA a.s, Environment Commerce CZ және ETD Transfarmatory a.s. әртүрлі салаларының  мамандары да өздерінің инновациялық технологиялары мен шешімдері туралы әңгімелеп берді.  «SKODA PRAHA a.s.» Техникалық директорының орынбасары Петер Крупчик Чехиядағы көмір электр станцияларын жаңарту және экологияландыру барысындағы ŠKODA PRAHA  тәжірибесі туралы айтып берді. Қазақстанда Чехияның экологияландыру тәжірибесін пайдалану мүмкіндіктері мәжілісте талқыланған басты тақырып  болды.  

Оған қоса мұнай-газ және энергетика кәсіпорындарының канализациялық ағынды суларын инновациялық энергия тиімділікпен тазарту тақырыбы қарастырылды., «ENVIRONMENT COMMERCE CZ a.s.» Бас директоры Иван Биденко  Қазақстан қалаларында энергиялық тәуелсіз азық-түлік-коммуналдық кешен құру тұжырымдамасын  көпшіліктің назарына ұсынды.

Кездесудің соңында баяндамалар топтамасын НКОК  және «Эргономика» ЖШС  отандық мамандары жалғастырды.  НКОК  парник газдары мен энергия тиімділігі жөніндегі топтың инженер-экологы Қошқарбаев Мұхтар Нұрмаханұлы  отырғандарды климат өзгерістеріне назар аудартатын «Мой Экослед» компаниясымен таныстырды. Баяндамашы  энергия үнемдеу және энергия тиімділігін арттыру мәселелерін бірінші кезекте экологиялық қауіпсіздік тұрғысынан   қолдап,  насихаттау қажеттігін  атап көрсетті. Маманның айтуынша бұл  -  инновациялық тәсіл, себебі ол  қазіргі заманда көпшілік бұқараның көкейіндегі мәселе  әрі ЖІӨ энергия сыйымдылығын азайтуға негіз бола алады.  

Мәжіліс соңында ҒТК қатысушылары   елдегі энергия тиімділігі мен энергия үнемдеу тақырыбын дамыту үшін баса назар аударуды қажет ететін маңызды аспектілер бойынша өз ұсыныстары мен түсініктемелерін ұсынды.

* «CZET» консорциумы - шетелдік мүдделі тұлғаларға заманауи,  тиімділігі жоғары энергетикалық кешендердің құрылысын салу, жекелеген технологиялар жеткізілімі мен «толық аяқталған құрылыс» қызметтерін   ұсыну үшін  «Чехия энергия үнемдеуші технологиялары»  – «CZET»консорциумы болып біріккен Чехияның  басты отыз энергетикалық технология өндірушілерінің, құрылыс және сауда фирмаларының  тобы.    

* Environment Commerce CZ  жылдан бері еуропалық нарықтағы және Орта Шығыстағы ағынды сулардың тазартқыш құрылғыларының жеткізушісі  болып табылады.

* ŠKODA PRAHA a.s кепілдік және сертификаттық сынақтарды қоса алғанда, энергетикалық кешендердің бас жеткізілімімен, электр станциясын  және олардың технологиялық бөліктерін жаңарту, жөндеу және реконструкциялаумен, жабдықтарды пайдалануға берумен  айналысады. 

* ETD Transfarmatory a.s. – әлемдік деңгейдегі энергиялық тиімді реакторлар мен трансформаторлар жасайтын компания. Қазіргі уақытта ол  (бір фазалық және үш фазалық реттейтін және реттелмейтін) қуат трансформаторын, автомобиль  трансформаторын, трансформатор пеш, теміржол саласында қолданылатын күш трансформаторын, арнайы реакторлар өндіреді.

IMG_7238

imgonline-com-ua-Osvetlenie-3Gs73KFV067PqKH_1

 

2017 ж. 9-наурызда KAZENERGY қауымдастығы мен "ALGORITMI KZ" ЖШС арасындағы әрекеттестік туралы меморандумға қол қойылды

PDF Баспаға жіберу E-mail
10.03.2017 16:17

 

KAZENERGY қауымдастығы қазақстандық үлесті алға бастыруды басты назарда ұстап отыр

 

2017 ж. 9-наурызда KAZENERGY қауымдастығы мен "ALGORITMI KZ" ЖШС арасындағы әрекеттестік туралы меморандумға қол қойылды

Екі жақ тарап осылайша  Қазақстан Республикасында және халықаралық деңгейде жергілікті үлесті дамыту, «Алаш» бірыңғай деректер базасын алға бастыру мәселелерінде әрекеттестік етуге ниет білдірісті.

Қол қою барысында KAZENERGY  атқарушы директоры Рустем Қабжанов былай деді: «Бұл құжат қауымдастықтың  мұнай-газ саласының жобаларындағы қазақстандық үлесті алға бастыруға  және қолдау көрсетуге батыл кіріскенінің  дәлелі болып табылады. Үш ірі мұнай-газ операторының басын  қосатын «Алаш» бірыңғай сатып алу жүйесіне қазақстандық компаниялардың қатысуы осы бағыттағы маңызды қадам болып саналады».

АЛАШ – Қазақстандағы оператор-мұнай-газ компанияларына арналған «онлайн» режимдегі жеткізушілер деректерінің базасы.  «Алаш» деректер базасы  тауарлар мен қызметтер жеткізушілері  және  мұнай-газ операторлары арасында  тікелей байланысты қамтамасыз ететін портал. Бұл жүйе жергілікті компаниялардың мұнай-газ операторларының тауарлары мен қызметтерін сатып алуға қатысу процесін біршама жеңілдетеді. «Алаш»  жүйесінде Қазақстандағы мұнай-газ жобаларының үш ірі операторы: НКОК (Қашаған жобасының операторы), ТШО (Теңіз жобасының операторы) және  КПО (Қарашығанақ жобасының операторы) деректер базасы  қамтылған. "Алгоритми КЗ" компаниясы жүйені әзірледі.  АЛАШ-қа тіркелген жеткізушілер алдын ала біліктілік бағалауынан өте алады және сала операторлары ұсынған ең төменгі талаптарға сәйкестіктерін көрсете алады. Операторлар талап етілетін өнімдер мен қызметтердің жеткізушілерін іздеу үшін «АЛАШ» жүйесіне кіріп қарай алады.  АЛАШ-қа тіркелген жеткізушілер  ұсынылатын ақпаратты пайдаланушыларға қолайлы интерактивтік интерфестер арқылы жаңарта алады.

IMG_7125_1

 

Қазақстан-Британ серіктестігі жөніндегі жұмыс тобының мәжілісі

PDF Баспаға жіберу E-mail
06.03.2017 18:16

Қазақстан-Британ серіктестігі жөніндегі жұмыс тобының мәжілісі

3-наурызда KAZENERGY қауымдастығының алаңында KAZENERGY қауымдастығы, «PSA» ЖШС және Ұлыбритания Халықаралық сауда-саттық департаменті (DIT) арасындағы Ынтымақтастық туралы меморандум шеңберінде жұмыс істейтін  Қазақстан-Британ серіктестігі жөніндегі жұмыс тобының мәжілісі өтті.

 «PSA» ЖШС басқарушы директоры Айбек Қырамбаев, KAZENERGY  қауымдастығы Төрағасының кеңесшісі Арман Сатимов  және DIT Аймақтық менеджері Стивен Смит мәжілісті ашып, құттықтау сөз сөйледі және  DIT және мәжіліске қатысып отырған мұнай-газ операторлары - «Қарашығанақ Петролеум Оперейтинг» («КПО»), «Норт Каспиан Оперейтинг Компани» («NCOC»)  және  «Теңізшевройл» («ТШО») ЖШС-мен бірге ынтымақтастықтың өзекті мәселелерін талқылауға шақырды.

DIT өкілі, мұнай-газ секторы бойынша маман Сью Уитборд  қазақстандық компаниялармен ынтымақтастыққа қызығушылық білдірген, қазақстандық мұнай-газ операторларының ірі жобаларында жұмыс істейтін немесе жұмыс істеуді жоспарлап отырған  19 британдық салалық компания құрамына кіретін Қазақстан мен Ұлыбритания арасындағы алдын ала ұзақ мерзімді серіктестік бағдарламасын таныстырды.

Таныстырылған DIT бағдарламасына жауап ретінде  «КПО», «NCOC»  мен  «ТШО» өкілдері мәжіліске қатысушыларға  шетелдік инвесторлармен бірге құрылған қазақстандық бірлескен кәсіпорындар туралы, сонымен қатар Қазақстан-Британ серіктестігінің басым салалары және әлеуетті нарығы туралы әңгімелеп берді. Оған қоса  баяндамашылар мұнай-газ компанияларының іске асырылатын  жобаларының  қажеттіліктерін, DIT-пен әрекеттестікті нығайту жолдарын және олардың серіктестік бағдарламасына қатысуын талқылауға ұсынды.

Мәжіліске қатысушылар 2013 жылы «Shell Kazakhstan» компаниясы әзірлеген Жол картасына сүйене отырып   Қазақстан-Британ мұнай-газ технологиялық әрекеттестігін құру мүмкіндігін қарастырды. Жол картасы, ол – Қазақстанның мұнай-газ саласының өндіруші секторының ғылыми-технологиялық дамуы туралы баяндама, онда Қазақстанның мұнай-газ саласының кадрларын ғылыми-зерттеу тұрғысында дамыту және даярлау аспектілері, сонымен қатар мемлекеттік қолдау түріндегі тұрақты қаржы жағдайы және тиімді бизнес-модель   бейнеленген.  

ЭКСПО-2017 «Болашақ энергиясы»  халықаралық мамандандырылған көрмесі шеңберінде Қазақстан-Британ әрекеттестігі және оны  алға бастыру мүмкіндіктерін талқылау тағы да бір маңызды тақырып болды. KAZENERGY қауымдастығының Атқарушы директоры  Қабжанов Рустем Астанада 8-9 қыркүйекте көрменің ресми жабылуы қарсаңында өтетін XI Еуразиялық  Форум алаңында Қазақстан-Британ әрекеттестігінің өзекті мәселелерін  және ағымдағы нәтижелерін талқылауды ұсынды.  

Арман Сатимовтың айтуынша  2017 жылы Қазақстан Республикасының келешек энергетикасын дамыту бойынша орта мерзімді және ұзақ мерзімді екі зерттеуді (жаңа баламалы сияқты дәстүрлі ресурстарды дамытуды қоса алғанда) аяқтау жобаланып отыр, осы зерттеулердің шеңберінде  технологиялар трансфертін жүзеге асыра алатын және Қазақстан Республикасына әкеле алатын жоғары технологиялық британдық компаниялардың тәжірибесі қажет болатын негізгі бағыттар, жаңа даму жобалары белгіленеді.   

Мәжіліс жұмысының нәтижесінде Қазақстан-Британ қатынастарын дамыту бойынша алдағы 12 айға арналған әрі қарайғы  іс-қимылдар  келісілді және жергілікті үлесті дамыту бойынша әрекеттестіктің нақты салалары белгіленді.

IMG_6754

IMG_6728

 

KAZENERGY қауымдастығының Төрағасы Т.А.Құлыбаевтың бұйрығымен АХМУРЗИНА Ляззат Жексенбайқызы адами капиталды дамыту жөніндегі атқарушы директор болып тағайындалды.

PDF Баспаға жіберу E-mail
03.03.2017 16:00

KAZENERGY  қауымдастығының Төрағасы  Т.А.Құлыбаевтың   бұйрығымен АХМУРЗИНА Ляззат Жексенбайқызы адами капиталды дамыту жөніндегі атқарушы директор болып тағайындалды.

G34A9213

Басқа қызметке ауысуына байланысты ҚОЖАЛИЕВА Тоғжан Бақытжанқызы KAZENERGY қауымдастығының атқарушы директоры қызметінен босатылды.

G34A9185

 

3-ші «Ұлттық энергетикалық баяндама» EXPO-2017 «Болашақ энергиясы» шеңберінде ұсынылады

PDF Баспаға жіберу E-mail
28.02.2017 10:25

3-ші «Ұлттық энергетикалық баяндама» EXPO-2017 «Болашақ энергиясы» шеңберінде ұсынылады

 

KAZENERGY қауымдастығы EXPO-2017 «Болашақ энергиясы» халықаралық мамандандырылған көрмесіне орайластырылған 3-ші Ұлттық энергетикалық баяндаманы әзірлеуге кірісті.

24-ақпанда Ұзақбай Қарабалиннің төрағалық етуімен Басқарушы комитеттің Бірінші жұмыс мәжілісі өтті. «ҰЭБ алғашқы екі шығарылымына, - деді ол, -  сарапшылық орта, сол сияқты мемлекеттік органдар мен салалық компания өкілдері де  оң баға берді. Сол себепті қауымдастық осы жұмысты биыл да жалғастырғалы отыр, оған бұрынғы халықаралық кеңесшілерді – IHS Markit компаниясын тартпақ».

Қарабалиннің айтуынша соңғы екі жылда елдің саяси және экономикалық өмірінде энергетикалық секторға тікелей әсер ететін елеулі өзгерістер болды. Осыған байланысты  баяндамада сала алдында тұрған ең өткір мәселелер мен сын-қатерлерге, сонымен қатар оларды шешетін кешенді қалыптастыруға  басты назар аудару керек. ҰЭБ-да берілген ұсыныстарда қауымдастықтың барлық мүшелерінің, оған қоса жалпы мемлекеттің де  мүддесі балансталып, ескерілуі тиіс.  Бұл жұмыстар энергетикалық нарықтың барлық қатысушыларымен тығыз қарым-қатынаста жүргізілуі шарт. Дәл осы тұрғыдан, - деп атап көрсетті қауымдастық Төрағасының орынбасары, - KAZENERGY атынан баяндаманы әзірлеу және бекітуге байланысты шешімдерді  қабылдайтын жалғыз орган - Басқарушы комитетті құру туралы шешім қабылданды.

Қауымдастық серіктестері – IHS сарапшылары өз кезегінде  баяндаманы  даярлаудың ортақ тәсілдері туралы  әңгімелеп берді. IHS Markit директорының орынбасары Полина Миренкова жалпы ақпарат ұсынып,  ҰЭБ жобасының негізгі бағыттары туралы айтып берді.

IHS Markit  басқарушы директоры Мэтт Сейгерс дүниежүзілік энергетиканың басты  үрдістері және оның Қазақстан нарығына әсері туралы өзінің ой-пікірін ортаға салды. Ол жер-жерде жаңармалы энергия көздерін қолдану  өсіп келе жатқанына қарамастан таяудағы онжылдықта дәстүрлі энергия ресурстарына деген сұраныс дами түсетінін, мұның өзі қазақстандық отын-энергетика саласының даму перспективасына оң әсерін тигізетінін атап көрсетті. 

Талқылаулардың қорытындысы бойынша мәжіліске қатысушылар осы аналитикалық еңбекте бейнеленетін маңызды жайттар  жөнінде өздерінің  ұсыныстары мен түсініктемелерін айтып өтті.

Комитеттің келесі мәжілісі  маусымның басында өтеді деп жоспарланды.

IMG_6554

 

Мұнайшылар Қазақстан Республикасының мұнай өнімдері нарығының ҚР Энергетика министрлігі бастама көтерген мәселелерін талқылады

PDF Баспаға жіберу E-mail
17.02.2017 17:18

Мұнайшылар Қазақстан Республикасының мұнай өнімдері нарығының ҚР Энергетика министрлігі бастама көтерген мәселелерін талқылады

Биылғы жылдың 15-ақпанында «KAZENERGY» қауымдастығында Қазақстан Республикасы энергетика вице-министрі Ә.М.Мағауовтың төрағалық етуімен «Қазақстан Республикасы мұнай өнімдерінің ішкі нарығы» тақырыбында дөңгелек үстел өтті.

Шараның «ҚазМұнайГаз» АҚ,  «ҚазМұнайГаз – өңдеу және маркетинг» АҚ, «ҚазМұнайГаз Өнімдері» ЖШС, «Қазақстан отын қауымдастығы 1»  ЗТЖКБ,  «PetroSun» ЖШС,  «Гелиос» ЖШС,  «МГААО» АҚ сияқты қатысушылары  мұнай өнімдеріне бөлшек сауда нарығында баға белгілеу және тұтынудың, сонымен қатар Ресей Федерациясынан (РФ) әкелінетін жанар-жағармай материалдарының (ЖЖМ) импортына баға белгілеудің  өзекті мәселелерін талқылады.

KAZENERGY Бас директоры Болат Ақшолақов дөңгелек үстелдің ашылуында Қазақстан Республикасындағы мұнай өнімдерінің ішкі нарығы тұтынушылар үшін барынша ашық екенін атап көрсетті және жиналған энергетиктерді ғана емес, отандық БАҚ өкілдерін де саланың барлық маңызды мәселелерін талқылауға  ұсынуға шақырды.  

Дөңгелек үстелдің күн тәртібіне мына компаниялардың өкілдерінің баяндамасы енгізілді:

 «ИАЦНГ» АҚ баяндамасының тақырыбы:  «2000-2016 жылдар ішінде халық және автомобиль санының өсуі динамикасына қатысты 2000 жылдан бастап 2016 жылға дейінгі мұнай өнімдерін тұтыну динамикасы»,

«ҚазМұнайГаз – өңдеу және  маркетинг» АҚ баяндамасының тақырыбы: «Қабылданатын шараларды халыққа жариялау мақсатында ҚР МӨЗ қайта құру және жаңарту»,

«PetroSun» ЖШС баяндамасының тақырыбы: «Мұнай өнімдерін республика аймақтарына тарату механизмі»,

«ҚазМұнайГаз Өнімдері»  ЖШС баяндамасының тақырыбы: «ЖЖМ-ны  франчайзинг жолымен дамыту»,

«Гелиос» ЖШС баяндамасының тақырыбы: «ҚР мұнай өнімдеріне бөлшек сауда нарығында баға белгілеу, сонымен қатар РФ-дан әкелінетін ЖЖМ импортына баға белгілеу».

Осылайша «МГААО» АҚ аналитика және жобаларды талдау департаментінің директоры  Бағдат Қадыров елдегі 2001-2006 жылдар кезеңіндегі  мұнай өнімдерін тұтынудың өсуі туралы әңгімеледі. Жеңіл автокөлік саны 1000 бірлікке өскенде, мұнай өнімдерін тұтыну екі есе өседі екен. Сонымен қатар  энергетиктер  2030 жылға қарай автомобиль саны өсетіні туралы өз болжамдарын айтты: 1000 адамға 235 автомобиль  болатын  - қазіргі көрсеткішпен салыстырғанда 2030 жылға қарай 1000 адамға 310 автомобиль болады деп күтілуде.

Өз кезегінде «ҚазМұнайГаз Өнімдері» ЖШС өкілі Нұркен Мырзағалиев дөңгелек үстелдің қатысушыларына  Қазақстанда ЖЖМҚ жүйесінің франчайзинг сызбасы бойынша дамуы, оның жағымды нәтижелері, әлеуетті серіктестерге қойылатын талаптар және жобаны іске асырудың ағымдағы мәртебесі туралы  баяндады. Нұркен Мырзағалиев  франчайзинг басымдықтары туралы айта келе  «ҚазМұнайГаз» брендімен жұмыс істей отырып  ЖЖМҚ бекеттеріне  клиентерді тартуға үлкен мүмкіндіктер мен ЖЖМҚ отыны мен тауарларын өткізу кепілдіктері берілетінін  атап өтті.

Мұнай отынының тұтынушыларын қызықтыратын  басты тақырып – мұнай өнімдері нарығында баға белгілеу тақырыбын «Гелиос»  ЖШС логистика блогының директоры Артур Нам қозғады. Сарапшы ҚР аумағымен тасымалдау бойынша теміржол тарифтерін, сонымен қатар мұнай базалары мен ЖЖМҚ шығындарын қоса алғанда, ЖЖМ сату тізбегінің звенолары бойынша шығындар құрылымы туралы толық әңгімелеп берді. Оған қоса  «Гелиос»  өкілдері бензиннің өзіндік құнын есептеп көрсетті. Осылайша  көп сұранысқа ие бір литр  АИ-92 бензинінің бағасы  137-139 теңге болды.  Қазақстан нарығына өзімізде өндіретін бензиннің тапшылығы қатты әсер ететіні атап көрсетілді, десек те «ҚазМұнайГаз – өңдеу және маркетинг» АҚ Бас директорының маркетинг жөніндегі орынбасары Данияр Сатыбалдиннің болжамы бойынша келесі жылдың өзінде Қазақстан өзін-өзі бензинмен қамтамасыз ете алатын болады.  Энергетиктер  Қазақстан Республикасында Атырау, Павлодар және  Шымкент қалаларындағы үш мұнай өңдейтін зауытында қайта құру және жаңарту процестері  аяқталатынын хабарлады. Мұның өзі бензин өндірісін жылына 1100 мың тоннадан 2270 мың тоннаға дейін, дизельдік отын өндірісін жылына 1200 мың тоннадан 1900 мың тоннаға дейін, ал авиаотын өндіруді  235 мың тоннадан 400 мың тоннаға дейін арттырады.

Дөңгелек үстел мәжілісін қорыта келе Энергетика  вице-министрі Әсет Мағауов компаниялардың қажеттілігін, жұмыс орындарын сақтап қалу үшін және жалпы нарыққа қолдау көрсету үшін министрліктің жаңа салық кодексін және жер қойнауы туралы кодексін әзірлеу кезінде жер қойнауын пайдаланушыларға салық салу тарауына белгілі бір өзгерістер енгізбекші болып отырғанын мәлімдеді. 

IMG_6542IMG_6519

 

«KAZENERGY» қауымдастығының кеңесі: бірінші кезекте 2017 жылғы жұмыстар – «ЭКСПО-2017 «Болашақ энергиясы» көрмесін қолдау.

PDF Баспаға жіберу E-mail
26.01.2017 18:22

«KAZENERGY» қауымдастығының кеңесі: бірінші кезекте 2017 жылғы жұмыстар – «ЭКСПО-2017 «Болашақ энергиясы» көрмесін қолдау.

Биылғы жылдың 25-қаңтарында Тимур  Құлыбаевтың төрағалық етуімен KAZENERGY қауымдастығы кеңесінің кезекті 21-мәжілісі өтті.   

Бұл жыл сайын өтетін шара, мұнда қауымдастыққа мүше компаниялардың барлық өкілдері  ағымдағы қызметтердің маңызды мәселелерін  ортаға салып, алдағы жылға арналған жобалар мен жоспарларды талқылайды.

Осы мәжілістің күн тәртібінде қауымдастықтың Атқару комитетінің 2016 жылы атқарылған жұмыстар туралы есебі тыңдалды, 2017 жылға арналған KAZENEGY Жылдық жұмыс жоспары мен мақсатты жобалар тізімі,  сонымен қатар «ЭКСПО-2017 «Болашақ энергиясы» халықаралық мамандандырылған көрмесі шеңберінде қауымдастық өткізетін бірқтар шараларды ұйымдастыру мәселелері  де талқыланды.

Қауымдастық Төрағасы Тимур Құлыбаев мәжілісті аша отырып, өз сөзінде өткен жылдың мұнай-газ саласы үшін қиын болғанын – дүниежүзілік энергетикалық нарықта баға  күрт құлдырап,  мұнай-газ компаниялары инвестициялық бағдарламаларды іске асыруда біраз қиындықтарға ұшырағанын  атап өтті.

Отандық мұнай-газ компанияларына келтірілетін жағымсыз әсерлерді барынша азайту үшін Қазақстан Үкіметі  ең алдымен салық және экологиялық заңнама саласында бірқатар жүйелі шаралар қабылдады. «Kazenergy»  қауымдастығы бұл жұмыстарға бесленді қатысты және биыл да  оны жалғастыра бермек.

2017 жылы Мемлекет басшысының халықаралық саясатының арқасында Қазақстан EXPO-2017 «Болашақ энергиясы» халықаралық мамандандырылған көрмесін қабылдайды. KAZENERGY қауымдастығы осы ұлттық жобаға қолдау көрсетуге ерекше назар  аударып отыр. Қауымдастықтың бастамасымен ЭКСПО шеңберінде БҰҰ қамқорлығымен Министрлік конференция және Тұрақты даму энергетикасы жөніндегі сегізінші халықаралық форумды өткізу қолға алынып отыр. 

Көрменің барлық шараларының қорытынды құжаты – Құндылықтар манифесіне кіретін Министрлік декларацияны қабылдау жоспарланған.

Астана қаласында Мемлекет басшысы бастама етіп көтерген,  БҰҰ қамқорлығымен «Жасыл» технологиялар мен инвестициялық жобаларды дамыту жөніндегі халықаралық орталықты құру туралы  әлемдік қауымдастықтың шешімі министрлер деңгейіндегі маңызды оқиғалардың бірі  болмақ.

Оған қоса ЭКСПО жабылатын кезде қауымдастық «Болашақ энергиясын құру» атты XI Еуразиялық KAZENERGY форумын өткізеді.  

Форум алаңында елдің отын-энергетика кешенін дамыту жөніндегі  жаңартылған статистикалық және аналитикалық материалдарды қамтитын KAZENERGY-2017 ұлттық энергетикалық баяндамасы таныстырылатынын атап өткен жөн.

Қауымдастық төрағасының айтуынша,  ЭКСПО-ның  табысты өтуіне, сол сияқты елдің мұнай-газ және  электр энергетикалық кешенінің келешектегі рөлін жалпы айқындауда бұл жобалардың маңызы зор.

Қатысушыларға қауымдастық жұмысы туралы KAZENERGY бас директоры Болат Ақшолақов әңгімеледі. Ол өз есебінде қауымдастықтың басты функционалдық қызметтерінің нәтижелеріне талдау жасады, атап айтқанда: жер қойнауын пайдалану және мұнай өнімдерінің айналымы, салық салу, экология, техникалық реттеу, энергетика, адами капиталды дамыту және халықаралық қызметтер, яғни ол мұнай-газ саласында қажет  етіліп отырған барлық өзекті мәселелерді айтып өтті. Қауымдастық заңнама саласындағы шешімдерді талқылау  және пысықтау жұмыстарына бір жыл бойы жоғарғы деңгейде қатысты. Жер қойнауы және жер қойнауын пайдалану туралы кодекске, Сатып алу қағидасына және басқаларына  ерекше көңіл бөлінді.

Тағы да бір маңызды сала – салық салу саласы. Болат Ақшолақовтың баяндамасында айтылғандай, мемлекеттік органдар тұжырымдамалық салық ұсыныстары пакетінен әрі қарай талқылауға төрт мәселені қабылдады. Қауымдастық мүшелерінің кейбір түзетулері Салық кодексіне енгізілді.

Қауымдастық мынадай ұсыныстар ұсынды: парниктік газдардың шығарындыларын реттеу және қоршаған ортаға эмиссиялау нормативтерінен асырғаны үшін жауаптылықты реттеу саласында, технологиялық бұзылулар және жабдықтардың ақаулары кезінде газды өртеу, техникалық реттеу және стандарттау, Салалық біліктілік шеңбері нормалары бойынша, Орхус  конвенциясын іске асыру, Каспий теңізіне мұнайдың апаттық төгілулері бойынша және көптеген басқа да мәселелер бойынша.

KAZENERGY төрт жылдан бері жалғастырып келе жатқан білім беру бағдарламасы  туралы айтар болсақ,  былтыр Солтүстік Каспий және Қарашығанақ жобаларының қаражаты есебінен 2016-2017 жылғы оқу жылына оқу ақысын төлейтін білім гранттары 590 қазақстандық студентке берілді   (1 млн. АҚШ доллары сомасында). Студенттер күрделі екі деңгейлік байқаудан өтті. Сонымен қатар  2016-2017 оқу жылына арналған KAZENERGY атаулы шәкіртақысы ҚР ЖОО 16 студентіне және колледждердің 15 студентіне берілді.

Жалпы берілген Есепті  қауымдастық мүшелері зор ықыласпен тыңдады,  олар істелген жұмыстарға қолдау көрсетіп, оны әрі қарай жалғастыру бойынша оң пікірлерін білдірді. 

Сондай-ақ  Болат Ақшолақов қатысушыларды биылғы  2017 жылға арналған KAZENERGY жұмыс жоспары туралы хабардар етті. Қауымдастық биыл да «Жер қойнауы және жер қойнауын пайдалану» кодексін және басқа да  құқықтық актілерді, қала құрылысы туралы және архитектуралық құжаттамаларды, сонымен қатар стандарттау бойынша нормативтік құжаттарды  әзірлеу жұмыстарына қатысуын жалғастырмақ. Бірлескен салық және кеден  кодексін қалыптастыру бойынша жұмыстарға баса назар аударылады.

Биылғы жылы  «Kazenergy-2017» ұлттық энергетикалық баяндамасының 3-ші редакциясы бойынша жұмыстарды бастау  жоспарланып отыр. Бұл жоба республиканың барлық сарапшылық қауымдастығы үшін маңызды оқиға болып табылады  және  оған әрдайым  көпшілік  қызығушылық танытады. Мемлекет пен бизнес-қауымдастық маңызды әрі қарапайым шешімдерді қабылдаған кезде баяндама негізінде жасалған тұжырымдар мен ұсыныстардың көмегі тиеді. 

Қауымдастықтың атқарушы директоры Рамазан Жампейісов «ЭКСПО-2017 «Болашақ энергиясы» халықаралық мамандандырылған көрмесі шеңберінде қауымдастық шараларын іске асыру туралы» баяндама жасады. Халықаралық көрме шеңберінде қауымдастық  бірқатар маңызды  шараларды, оның  ішінде: БҰҰ бес аймақтық комиссиясының (ЕЭК, ЭСКАТО, ЭКЛАК, ЭСКАЗА, ЭКА) қамқорлығымен өтетін Министрлік   конференцияны  және  «Энергетиканың тұрақты дамуын қамтамасыз ету» деп  жалпылама аталатын  8-ші Халықаралық форумды (2017 ж. 11-14 маусым), сонымен қатар  «Болашақ энергиясы» XI Еуразиялық KAZENERGY  форумын ұйымдастыратынын атап көрсетті. Қазақстан Республикасы Премьер-Министрінің өкімімен  бұл оқиғалардың ЭКСПО-ның маңызды оқиғалар тізіміне енгізілгенін атап  өткен жөн.

XI Еуразиялық KAZENERGY  форумы  Министрлік  энергетикалық конференция және 8-ші Халықаралық форум шеңберінде басталған саяси диалогтың  салалар мен компаниялар деңгейіндегі жалғасы болмақ. Форум алаңында дүниежүзілік энергетикалық бизнестің басшылары мен өкілдері саланы әрі қарай дамыту жолдарын талқылайды және Ғаламдық Күн тәртібі 2030 негізгі міндеттеріне қол жеткізу мақсатында үкіметпен өзара әрекеттесу және өңірлік аспектілер тұрғысында  тұрақты энергетиканы қамтамасыз ету бойынша нақты ұсыныстар әзірлейді.  

Қауымдастық Төрағасы Тимур Құлыбаев кеңесті қорытындылай келе  KAZENERGY қауымдастығының 6 жаңа мүшесін -  «Маерск Ойл Қазақстан ГмбХ», «MOL (FED) Kazakhstan B.V.», «OMV Petrom S.A.», China Petrochemical Corporation (Чайна Петрокемикал Корпорейшн) компаниясының ҚР-дағы өкілдігі,  «ҚМӨЗ» ЖШС,  «Жобақұрылыссервис»  ЖШС-ны мүшеліктерімен  құттықтап,  сертификат тапсырды.

Салтанатты бөлім әрі қарай жалғасты. Мемлекеттік және қоғамдық қызметте сіңірген еңбегі үшін, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға  зор үлес қосқаны үшін KAZENERGY қауымдастығының атқарушы директоры  Жампейісов  Рамазан Көпесбайұлы  Қазақстан Республикасының Құрмет грамотасымен марапатталды. Награданы қауымдастық Төрағасы Тимур Құлыбаев табыс етті.

_NIK3588

_PIC7431

 

Баспасөз қызметі

KAZENERGY  қауымдастығы

 (7172) 790181; 790179

 

Қазақстан Республикасы БҰҰ ЕЭК «Энергетикалық бетбұрыстар» көрмесіне қатысты

PDF Баспаға жіберу E-mail
23.01.2017 15:44

2017 жылғы 19-қаңтарда Женевадағы БҰҰ резиденциясында Тұрақты энергетика жөніндегі комитеттің 25-ші сессиясының мәжілісі шеңберінде БҰҰ ЕЭК елдеріндегі энергетикалық бетбұрыстарға арналған көрме басталды.  «Энергетикалық бетбұрыстар (ауысулар)» деген термин тұрақты энергетикаға бірте-бірте көшу  және «таза» технологияларды пайдалану есебінен экономикалық өсуді қамтамасыз ету деген мағынаны білдіреді. 

 

2016 жылы 24-желтоқсанда Алматы қ. «Инновациялық технологиялар паркі» АЭА “KBTU Drilling Center” бұрғылау орталығы ресми түрде ашылды.

PDF Баспаға жіберу E-mail
29.12.2016 09:49

2016 жылы 24-желтоқсанда  Алматы қ. «Инновациялық технологиялар паркі» АЭА  “KBTU Drilling Center” бұрғылау орталығы ресми түрде ашылды. Салтанатты шараға Алматы қаласының әкімі Бауыржан Байбек, «Самұрық Қазына» ҰӘҚ» АҚ басқармасының төрағасы Өмірзақ Шүкеев,   «ҚБТУ»  АҚ ректоры Искандер Бейсембетов, KAZENERGY қауымдастығы, НКОК және басқа да салалық компаниялардың өкілдері қатысты,

Қазіргі заманғы DrillSim-5000 бұрғылау тренажер-симуляторы KAZENERGY Қазақстан мұнай-газ және энергетика кешені ұйымдарының қауымдастығының белсенді атсалысуымен және НКОК компаниясының көмегімен сатып алынды. Іс-шара барысында әртүрлі деңгейдегі мамандарды  орталықтар базасында оқыту саласындағы қатынастарды дамытуға бағытталған «ҚБТУ»  АҚ және  НКОК арасындағы өзара ынтымақтастық туралы меморандумға қол қойылды.  

KBTU Drilling Centre – жоғары технологиялық оқу-тренажерлық орталық. ТМД-да аналогы жоқ ерекше нысан. Сервистік компаниялардың операторларын, мұнай-газ инженерлерін, бұрғылаушы мердігерлерін, техникалық кадрларын кәсіби даярлайтын халықаралық стандарттарға толық сай келеді. Бұл жабдық: психологиялық үйлесімділікті тексеру және бұрғылау бригадасының персоналын жабдықпен таныстыру; типтік және стандартты емес технологиялық операцияларды пысықтау; болуы мүмкін қиындықтар мен әртүрлі жағдайларды есепке ала отырып, бұрғылау және барлау жұмыстарының әртүрлі сценарийлерін пысықтауға арналған. Drill Sim тренажерлерінің басты ерекшелігі -  жұмыс аймағының барлық интерфейстері атқарылатын құрылықтағы және қайраңдағы пайдалану жағдайларының, операторлық жағдайлардың шынайы деңгейде болуы, ал тренировкалар нақты уақыт режимінде жүргізіледі.   

KAZENERGY қауымдастығының

баспасөз қызметі

+77172 790173, 790181

 


JPAGE_CURRENT_OF_TOTAL