Нефтегазовая отрасль Казахстана

Атыраудағы газ-химиялық кешенінде өндірілетін полиэтилен мен полипропиленнің басым бөлігі экспортқа шығарылатын болады, деп хабарлады біріккен химиялық компания басқарма төрағасының орынбасары Жеңіс Өсербай.

Ж. Өсербайдың айтуынша, газ-химиялық кешен жылына 1 миллион 300 мың тонна полиэтилен мен полипропилен шығаратын болады. Алайда оның тек 10-15 пайызын қазақстандық тұтынушылар пайдаланады.

«Қалған өндіріс көлемін біз экспортқа шығаруды жоспарлап отырмыз. Отандық өндірушілерді полиэтилен мен полипропиленді қамтамасыз етуден қалған өнімді сату жөнінде келісім жасалып, қол қойылған», - деп атап өтті Ж. Өсербай.

Атырауда өндірілген мұнай-химиялық өнімдердің негізгі тұтынушылары Қытай мен АҚШ болмақ деп жоспарлануда.

АТЫРАУ. 18 шілде. ҚазАқпарат