Нефтегазовая отрасль Казахстана

KAZENERGY қауымдастығы

2013 жыл 23 мамырда Тәуелсіздік сарайында «KAZENERGY» қауымдастығы VI Астана экономикалық форумы аясында «Жаңа энергетикалық ландшафт – энергетикалық болашақтың тірек факторлары» атты конференция өткізеді. Конференция екі секцияда ұйымдастырылады.

№1 секция: мұнай-газ секторы мен әлемдік энергетикалық нарықтың дамуына арналады.

№2 секция: энерготиімділік пен қуаттың балама көздерін пайдаланудың алғы шартарына баса көңіл бөлінбек.

        №1 секция: Әлемдік энергетикадағы қазіргі ахуалды зерделесек халықаралық энергетикалық нарықтың негізгі ойыншылары арасындағы қарама-қайшылықтар одан бетер күшейіп келеді. Қуат өндірушілер мен тұтынушылар арасында XX ғасырдың соңғы ширегінде қалыптасқан өзара қарым-қатынас тәжірибесі келмеске кетіп барады. Әлемдік қуат нарығын басқару механизмдерінің бұрынғыдай қауқары жоқ. Қытай мен Үндістан сияқты алпауыттардың нарыққа етене енуінен тұтынушылар арасындағы бәсекенің қыза түскені айқын аңғарылады.     

Қуат көздерінің негізгі тұтынушылары жоғары дамыған мемлекеттер мен Азияның дамушы елдері. Сөйте тұра қажетті көмірсутегі қорының басым бөлігі дамушы және экономикасы өтпелі кезеңге енді жеткен мемлекеттер тобында шоғырланған. АҚШ, Еуроодақ пен Қытай сынды алпауыт тұтынушылар қолда бар кэономикалық саяси әлеуетін түгел өндіруші елдерге бағыттап, бәсекелестікті қыздырды. Салдарынан геосаяси жағдай да күрделе түспек.  

Есесіне бұл өндіруші мемлекеттердің өз қонауындағы көмірсутегі қорларына қолжетімділік саясатын өзгертуіне сеп болды. Әлемдік мұнай қорының басым бөлігін бақылауда ұстап отырған ұлттық мемлекеттік компаниялардың стратегиясы да өзгерді. Барланған ірі қоры бар мемлекеттік компаниялар енді шикізатты өңдеу саласын қарқынды дамытып, өнімді тасымалдау мен сату құрылымдарынан енші алуға талпынып отыр.

АҚШ-тағы төңкерістік инновациялардың арқасында сланц газының коммерциялық өндірісі басталды. Бұл да әлемдік энергетикалық ландшафтқа өзгеріс енгізеді. Қуат көздерінің жаңартымды, жамғыртымды түрлері жан-жақты әрі белсенді пайдаланылып жатқанына қарамастан бәрібір жақын болашақта тұтынылатын қуат көзінің басым бөлігі дәстүрлі энергия болып қала бермек.

Ал көрсутегі шикізатын өндеу орындары, көлік-логистикалық жүйелерін толықтай қолына алып, бақылап отырған трансұлттық копорациялар өздерінің ресурстық қорын одан әрі ұлғайта түсу стратегиясын ұстанып отыр. Бұл арада мүдделер қайшылығы одан сайын ушығып, алдағы ондаған жылда әлемдік қуат нарығында шешуші мәнге ие болады. 

Мақсат пен көзделген нәтиже. Геосаяси ахуалды ескере отырып, әлемдік қуат нарығының негізгі тенденциясын анықтау. Одан әрі әрекет етудің ең тиімді жол-жоспарын әзірлеу.

Cекция жұмысы қатысушылар мен аудитория арасындағы пікірталас түрінде өтеді.

        Талқыланатын сұрақтар:

1. 1.Әлемдік қуат тасымалындағы Қазақстанның орны мен энергетикалық қауіпсіздікті қамтамасыз (Л.Қиынов);
2. 2.Энергетикалық ресурстардың жаһандық дамуы мен энергетикалық қауіпсіздікті нығайту (У.Руснак);
3. 3.Экономикалық айқындық жоқ тұстағы мұнай-газ саласының даму тенденцисы (Lukoil/IEF);
4. 4.Тәуекелді басқару: болашақтың энергетикалық тапсырмаларын орындау кілті (М.Роллинз);
5. 5.Көмірсутегінің дәстүрлі емес түрлерінің дамуы мен  оның әлемдік қуат нарығына әсері. Инвестициялық ресурстарға халықаралық бәсеке (IHS CERA).

        Төмендегі спикерлер болады деп күтілуде:

1. 1.Ләззат Қиынов* – ҚазМұнайГаз» ҰК» АҚ Басқарма Төрағасы;
2. 2.Урбан Руснак – Энергетикалық хартияның Бас хатшысы;
3. 3.Альдо Флорес-Кирога, Халақаралық энергетикалық форумның Бас хатшысы;
4. 4.Вагит Алекперов* – «Лукойл» АҚ Басқарма Төрағасы;
5. 5.Марк Роллинз – «БиДжи интернэшнл лимитед Казахстан» Президенті;
6. 6.Мэтт Сейгерс, IHS CERA аға директоры

Шараның модераторы – Джулиа Нанэй, PFC Energy аға директоры  

        №2 секция: Тәуелсіздік алғанан бергі 20 жылдағы бірізді, тұрақты  дамудың арқасында Қазақстан қазір «жасыл» технологияларды тәжірибеде пайдаланудың тартымды нарығы болып табылады. Қазір біз мығым энергоресурстарға ие бола тұра, оларды парасатты пайдаланып, қолда бар қуат күшін жетілдіруде энергетикалық тиімді, экологиялық қауіпсіз технологияларды қолданатын, қуаттың жаңғыртымды түрлерін барынша өндіріске енгізген  үлгілі мемлекетке айнала аламыз.

Алға қойылған мақсатқа жету үшін Мемлекет басшысы Н.Ә. Назарбаев үкіметке Қазақстан Республикасының «жасыл» экономикаға көшу стратегиясын әзірлеп, енгізуді тапсырған болатын.

Осы орайда ЭКСПО-2017 көрмесін өткізуді  адамзаттың тұрақты дамуы үшін  әлемдік қауымдастық қолға алған ортақ іс - тиімді шешімдер мен жаңа технологияларды енгізу ісіне Қазақстанның сүбелі үлесі деуге болады.  

Мақсат пен көзделген нәтиже. Балама қуат көздерінің даму тенденциясын айқындау. Оларды пайдаланудағы Қазақстанның әлеуетін бажайлау.

Cекция жұмысы қатысушылар мен аудитория арасындағы пікірталас түрінде өтеді.

        Талқыланатын сұрақтар:

1. 1.Қазақстанда жел энергетикасын дамыту әлеуеті (БҰҰДБ);
2. 2.Күн энергиясын пайдалану - әлеует пен қазіргі мүмкіндіктер (Г.Шепард);
3. 3.Бейбіт атомды дамыту, қауіпсіздік мәселелері мен Қазақстанда қуат түрлерін араластыра пайдалану (В.Школьник);
4. 4.Балама қуат көздерін қолдануға ынталандырудың коммерциялық үлгілері (Р.Пулити)
5. 5.Қазақстан мен өзге де мемлекеттердегі энерго тиімділік: жаңа технологияларды пайдаланудың озық тәжірибелері мен мүмкіндіктері (А.Гальцева);
6. 6.Экономикада айқындық жоқ, технологиялық прогрес қарыштаған тұста  баламалы қуат көздерінің болашағы (А.Сәтқалиев).

        Төмендегі спикерлер болады деп күтілуде:

1. 1.БҰҰДБ Өкілдері;
2. 2.Грег Шепард, IHS iSuppli Бас зерттеушісі;
3. 3.Владимир Школьник, «ҚазАтомПром»ҰАК» АҚ Басқарма Төрағасы;
4. 4.Рикардо Пулити, ЕДҚҚБ энергетика жөніндегі басқарушы директоры;
5. 5.Анна Гальцева, IHS CERA Бас сарапшысы;
6. 6.Алмасадам Сәтқалиев, «Самрұқ-Энерго» АҚ Басқарма Төрағасы;

Шараның модераторы – Мэтт Сейгерс, IHS CERA аға директоры